திருகோணமலை மாவட்டத்தில் வெள்ளம்: பாராளுமன்ற உறுப்பினர் இம்ரானின் நேரடி நடவடிக்கைகள்

திருகோணமலை மாவட்டத்தில் தொடர்ந்து பெய்து வரும் கனமழையால் பல தாழ்நிலப் பகுதிகள் வெள்ளத்தில் மூழ்கியுள்ளன. இதன் காரணமாக பாதிக்கப்பட்ட பகுதிகளை பாராளுமன்ற உறுப்பினர் இம்ரான் இன்று (25) நேரில் விஜயம் செய்து அவசர நடவடிக்கைகளை மேற்கொண்டார்.

இந்த விஜயத்தின் போது அவர் வெளியிட்ட கருத்தில், "மழை வெள்ளம் காரணமாக மாவட்டத்தின் பல பகுதிகள் பாதிக்கப்பட்டுள்ளன. பிரதேச சபை, நகரசபை மற்றும் பிரதேச செயலக ஊழியர்களுடன் இணைந்து, நீர் வடிந்தோட நடவடிக்கைகள் முன்னெடுக்கப்பட்டுள்ளன. எனினும், பல இடங்களில் பெகோ இயந்திரங்கள் தேவையாக உள்ளன. இதற்காக அவசியமான உடனடி உதவிகளை அரசாங்கம் தனியாரிடமிருந்து பெற்றுக்கொடுக்க வேண்டும்," என்று தெரிவித்துள்ளார்.

அத்துடன், பாதிக்கப்பட்ட மக்களுக்கான உணவுகள் மற்றும் அத்தியாவசிய உதவிகளை வழங்குவதற்கும் அரசாங்கத்திடம் கோரிக்கை விடுத்துள்ளார்.

 மேலும், "இந்த சிக்கலான சூழலில் பகுதியினருடன் இணைந்து பணியாற்றும் அரச ஊழியர்களுக்கும் பொதுமக்களுக்கும் எனது மனமார்ந்த நன்றியை தெரிவிக்கிறேன்," என்று தெரிவித்தார்.

இவ்வாறு, திருகோணமலையில் வெள்ளநீர் குறைந்து நிலைமைச் சீரடைந்து வருவதற்கான முயற்சிகள் தொடர்ந்து முன்னெடுக்கப்பட்டு வருகின்றன.