தொடர்ந்து பெய்த மழையால் வைரஸ் காய்ச்சல் மற்றும் டெங்கு பரவல் அபாயம் – சுகாதாரத்துறை எச்சரிக்கை

இலங்கையில் தொடர்ச்சியாக பெய்து வரும் கனமழை காரணமாக வைரஸ் காய்ச்சல் உள்ளிட்ட தொற்று நோய்கள் பரவும் அபாயம் நிலவுவதாக சுகாதாரத்துறை அதிகாரிகள் எச்சரித்துள்ளனர்.

சுகாதார சேவைகள் பிரதி பணிப்பாளர் நாயகம் டொக்டர் ஜி. விஜேசூரியா, உணவுப் பொருட்கள் மற்றும் பானங்களை கொள்வனவு செய்யும் மற்றும் பயன்படுத்தும் போது பாதுகாப்பு நடைமுறைகளை கடைப்பிடிக்குமாறு பொதுமக்களுக்கு அறிவுறுத்தியுள்ளார்.

மேலும், வடகிழக்கு மாகாணத்தில் வெள்ளத்தால் பாதிக்கப்பட்ட பகுதிகளில் விசேட டெங்கு கட்டுப்பாட்டு வேலைத்திட்டங்கள் செயல்படுத்தப்பட்டு வருகின்றன.

டெங்கு பாதிப்பின் தற்போதைய நிலைமை:

2024ஆம் ஆண்டின் இதுவரை 45,448 டெங்கு நோயாளர்கள் பதிவாகியுள்ளனர்.

மேல் மாகாணத்தில் மட்டும் 19,487 பேர் பாதிக்கப்பட்டுள்ளனர்.

டெங்கு காய்ச்சலால் 22 பேர் உயிரிழந்துள்ளனர்.

சுகாதார அதிகாரிகள் விடுத்த கோரிக்கை:

தேசிய டெங்கு கட்டுப்பாட்டுப் பிரிவின் சமூக ஆலோசகர் லஹிரு கொடித்துவக்கு, டெங்கு பரவலைத் தடுக்க பொதுமக்கள் நுளம்புகள் பெருகும் இடங்களை அகற்ற வேண்டும் என வலியுறுத்தியுள்ளார்.

மழைக்காலத்தில் தொற்று நோய்களைத் தடுப்பதற்கான சுகாதார வழிமுறைகளை அனைவரும் பின்பற்ற வேண்டும் எனவும், முன் எச்சரிக்கை நடவடிக்கைகளை உடனடியாக எடுக்குமாறு அதிகாரிகள் அழைப்பு விடுத்துள்ளனர்.